2025-7-7 山東艦．五層樓頂．三支香．細山
廢話： 筆者從未親眼看過航母，這次山東艦來港巡遊，決定把握最後一日去看看。 一早乘地鐵到葵芳站轉搭88M小巴去青衣西南角（五層樓）睇山東艦，閒日朝早仲要滾夾熱，都仲係超多人。乘客直接叫司機山東艦落車（明明冇尼個站😅），司機好有默契咁係警察封鎖區之前落客（之前我仲諗緊點樣叫司機俾我落車😝）。 反正順路，走埋太古舊漆廠同埋五層樓頂，之後上 三支香 ，落細山走人，熱到癲左🥵。 係青盛苑站見巴士就上，撞中架43B去荃灣西站，係青衣轉車站下車，在長發邨走走，反正之前未到過這個區域。 山東艦；就咁睇冇咩野，但普通船泊埋去比較就知佢真係好巨型！ 路線：五層樓--前太古漆廠--五層樓頂(178米)--三支香南峰(334米)--三支香中峰(312米)--三支香北峰(261米)--細山(169米)--青盛苑 距離：4.7公里； 上升幅度：510米；下降幅度：51 0米 需時：3小時 難度：LV2 交通 <附有網站連結>： 五層樓 (須中途在前太古漆廠下車) 青盛苑 地圖： 由於地圖以其他應用程式繪製，與google map的線條略有偏差 高度圖： 注意： 由地圖中的路口登上五層樓頂須爆林接上主徑，由前太古漆廠旁的小徑登山會較容易。 由五層樓頂往三支香須先下降到一個山坳(約海拔128米高)，這段路斜率略高，須注意安全。 是日剪輯✌